母亲，你不在 - 艾尔肯-Erkin Abdulla

چىنەڭگە ئەي ئانا زەم - زەم

قۇيۇپ بېرەي دېسەم سەن يوق

يېتەي ئەجرىڭ ئۈچۈن پاقلان

سويۇپ بېېرەي دېسەم سەن يوق

تۇتۇپ چىقماقنى ئويلايمەن

ئۇچاڭنى تۈن بويى ئەمدى

بېشىڭغا قوش تەكى ياستۇق

قويۇپ بېرەي دېسەم سەن يوق

ساڭا قانماي تۇرۇپ قەلبىم

ھاياتلار قەلبىدىن كەتتىڭ

مېنى ئۇرساڭمۇ مەيلىتى

تۇرۇپ بېرەي دېسەم سەن يوق

چۈشۈمدە ئۇسسۇلۇق دەپسەن

ئانا دەپ ئويغۇنۇپ كەتتىم

لېكىن پىيالىدە شەربەت

سۇنۇپ بېرەي دېسەم سەن يوق

ئەللەي ناخشىسى

ئەللەي دېسەم دىلىمدىن

ئەللەي بالام ئەللەي

بال تامىدۇ تىلىمدىن

ئەللەي بالام ئەللەي

گۈزەللىگىڭ تولۇن ئاي

ئەللەي بالام ئەللەي

ئايرىلمايمەن يېنىڭدىن

ئەللەي بالام ئەللەي

سېنىڭ ئەجرىڭدە ئەر بولدۇم

ئىگىز شاخلارغا قول سۇنغان

بىراق شاختىن ئانار ئالما

ئۈزۈپ بېرەي دېسەم سەن يوق

سېنىڭ بارىڭنى قەدرىڭنى

ھەجەپ بىلمەپتىمەن ئەمدى

ساڭا كۆيگەن بۇ باغرىمنى

يېرىپ بېرەي دېسەم سەن يوق

ئەي ئانام

ئەي ئانام

ئەي ئانام

ئەي ئانام

ئەي ئانام

شەربەت سۇنۇپ

بېرەي دېسەم سەن يوق