林奕匡（Phil）一直致力创作，不断寻找新idea投入作品中，早前Phil远赴瑞典参与music camp，与当地音乐人成功擦出火花，带来在music camp中与音乐人Harry及Gavin合力创作的〈生之颂〉，以歌曲带出其实大家身边每天都有奇迹发生，就连大家活着，也是一个奇迹这个讯息。 Phil透露此曲原本另有名字：「呢首歌原本叫〈Miracle〉，其实都好似人生，有好多miracles喺我哋周围发生紧，我哋生存喺呢个世上，其实都系一个miracle。人喺呢个地球上面，点解地球要有生物同生命？其实已经系一个好大嘅miracle，everything around us，好多嘢都估唔到。」 监制Edward Chan就赞〈生之颂〉系一首听起来，感觉好奇妙的作品，他说：「首歌系Phil同瑞典嘅writer喺斯德哥尔摩嘅旅程入面第二日写出嚟的，一日内就完成咗个旋律、英文嘅歌词同基本嘅编曲，佢哋当时嘅working title系『miracle』，在writing camp尾段时，我觉得呢首歌嘅旋律唔错，我几钟意佢个歌词配合和声出嚟带俾我嗰种感觉的，佢有一种令我觉得『啊～』，嗰个和声嘅处理令我感觉好奇妙。」